DBN TELUGU:-
- వినూత్న రీతిలో గురుకుల ఉద్యోగుల నిరసన.
- సెలవు పెట్టి విధులకు హాజరైన ఉపాధ్యాయులు.
- మూకుమ్మిడి సెలవులుపెట్టి డ్యూటీ చేసిన సిబ్బంది.
- అభినందించిన విద్యార్ధుల తల్లిదండ్రులు.
తెలంగాణ రాష్ట్ర ప్రభుత్వ వివిధ గురుకులాలలో పనిచేస్తున్న ఉద్యోగస్తుల సమస్యలను పరిష్కరించాలని కోరుతూ గురుకుల జాయింట్ యాక్షన్ కమిటీ జేఏసీ ఇచ్చిన పిలుపులో భాగంగా 2 రోజు మంగళవారం బెల్లంపల్లి బాలుర, బాలికల, కాసిపేట గురుకులాల్లో ఉద్యోగస్తులు మూకుమ్మిడిగా సెలవులు పెట్టి యదాతధంగా పిల్లలకు పాఠాలు బోదించారు. ఈ సందర్భంగా ప్రిన్సిపాల్స్ సైదులు, సంతోష్, స్వరూప లు మాట్లాడుతూ... ప్రభుత్వానికి తమ సమస్యలను తెలిఊ జెప్పడంలో భాగంగా సిబ్బంది సెలవులు పెట్టి మరీ విధులకు హాజరయ్యారన్నారు. మా సమస్యలను సాకు గా చూపి ఎట్టి పరిస్థితుల్లోనూ మా విధులకు దూరమై పిల్లలకు అన్యాయం చేయమన్నారు. గురుకులాల్లో చదివే ప్రతి విద్యార్ధీ మా సొంత బిడ్డలుగానే చూసుకుంటామన్నారు.
మా డిమాడ్లలో పిల్లలకు మెస్ చార్జీలు పెంచాలనడంతోపాతు మరికొన్ని పిల్లలకు సంబందించినవి కూడా ఉన్నాయని అందుకే విద్యార్ధుల తల్లిదండ్రులు కూడా మాకు సపోర్ట్ చేస్తున్నారన్నారు. ఇవి ఉద్యోగస్థులకు మాత్రమే సంబందించినవి కావనీ గురుకులాలకు సంబందం ఉన్న అందరివీ అన్న అంశాన్ని అర్ధచేసుకొని మాతో గొంతు కలిపిన విద్యార్ధుల తల్లిదండ్రులకు ధన్య వాదాలు తెలిపారు. ఈ కార్యక్రమంలో బెల్లంపల్లి లోని గురుకులాల సిబ్బంది పాల్గొన్నారు. తమ సమస్యలను ప్రభుత్వం సానుభూతితో ఆలోచించే దిశగా అడుగులు వేయాలని ఈ సందర్భంగా వారు కోరారు.
ప్రధానంగా .....
- ప్రమోషన్లు బదిలీలు తక్షణమే చేపట్టాలి.
- ఖాళీల భర్తీకి నూతన నియమకాలు చేపట్టాలి.
- పెరిగిన ధరలకు అనుగుణంగా విద్యార్థుల మెస్ ఛార్జీలు పెంచాలి.
- గురుకుల ఉపాధ్యాయులకు ఫ్యారిటి స్కేల్ ను వర్తింపచేయాలి.
- జీవో నెంబర్ 317 కు తక్షణమే పరిష్కారం చూపించాలి.
- అన్ని గురుకుల సంస్థలను ఒకే యాజమాన్యం కిందికి తెచ్చి ప్రభుత్వం జీవోను తప్పకుండా అమలు చేయాలి.
- డైరెక్టర్ రిక్రూట్మెంట్ ద్వారా నియమకం పొందిన వారికి పే మరియు సర్వీస్ ప్రొటెక్షన్ అమలు చేయాలి.
- 2007 లో రెగ్యులర్ అయిన ఉద్యోగస్తులు అందరికీ సంస్థలు జాయిన్ అయిన రోజు నుండి సర్వీస్ ను లెక్క కట్టి నోషనల్ ఇంక్రిమెంట్స్ ఇస్తూ ఓ పి ఎస్ పరిధిలోకి కు రావాలి.
- హాలిడే డ్యూటీస్ కు ప్రత్యామ్నయంగా వీక్లీ ఆఫ్ ఇవ్వాలి.
- అన్ని డిగ్రీ కళాశాలలో ఏవో పోస్ట్ నియమించాలి.
- అన్ని గురుకుల కళాశాలకు డిప్యూటీ వార్డెన్ పోస్ట్ మంజూరు చేయాలి.
- అన్ని గ్రూపులలో సంస్థలకు ఒకే కాల నిర్ణయ పట్టిక మరియు ఒకే స్టాప్ ప్యాట్రన్ ఉండేలా ప్రభుత్వం ఉత్తర్వులు ఇవ్వాలి.
- బీసీ మరియు జనరల్ సొసైటీలో కాలనిర్ణయ పట్టికను విద్య హక్కు చట్టప్రకారం మార్చాలి.
- అకారణమైన సస్పెన్షన్లు ఎత్తివేయాలి. ఈ డిమాండ్లు నెరవేర్చ వరకు సమ్మె చేయడం జరుగుతుంది అని తెలిపారు.