DBN TELUGU:-
- చంద్రశేఖర్ ఆజాద్ వర్ధంతి సందర్భంగా సాయి భోజన్.
- గర్భిణులకు, బాలింతలకు, రోగులకు అన్నదానం.
- బెల్లంపల్లి ప్రభుత్వ ఆసుపత్రిలో కార్యక్రమం.
- బాయిజమ్మ సాయి సేవా ట్రస్ట్ ఆధ్వర్యంలో నిర్వహణ.
-- ప్రముఖ స్వాతంత్ర్య సమరయోధుడు, దేశం గర్వించదగ్గ నేత చంద్రశేఖర్ ఆజాద్ వర్ధంతి సందర్భంగా బెల్లంపల్లి ప్రభుత్వ ఆసుపత్రిలో మంగళవారం మధ్యాహ్నం సనాతన ధర్మ బాయిజమ్మ సాయి భక్తి ప్రచార ధార్మిక సేవా ట్రస్ట్ ఆధ్వర్యంలో కోలా గోపాల్ సహకారంతో గర్భిణులకు బాలింతలకు, రోగులకు, అన్నార్తులకు సాయి భోజన్ అన్నదానం చేసినట్లు ట్రస్ట్ వ్యవస్థాపకులు డాక్టర్ కాంపల్లి శంకర్-రాజేశ్వరి తెలిపారు. ఈ సందర్భంగా ఆస్పత్రిలోని, గర్భిణీలు, బాలింతలు, రోగులు, అన్నార్తులు, ఆసుపత్రి సిబ్బంది, సాయి భోజన్ అన్నదాన కార్యక్రమాన్ని వినియోగించుకున్నారు. వారందరూ అన్నదానం చేయడం పట్ల సంతృప్తి వ్యక్తం చేస్తూ, బాయిజమ్మ సాయి సేవా ట్రస్ట్ వారికి మరియు దాతలకు కృతజ్ఞతలు తెలిపారు.
ఆజాద్ స్మరణలో... భారతదేశ స్వాతంత్రం కోసం విప్లవ మార్గంలో ప్రయాణించి బ్రిటిష్ వారి గుండెల్లో రైళ్లు పరిగెత్తించిన మహోన్నత నేత చంద్రశేఖర్ తివారి స్మరణలో అన్నదానం చేయడం ఆనందంగా ఉందని భాయిజమ్మ సాయి సేవా ట్రస్ట్ వ్యవస్థాపకులు డాక్టర్ కాంపల్లి శంకర్ రాజేశ్వరి తెలిపారు. ఆజాద్ గా పిలువబడిన చంద్రశేఖర్ తివారి దేశం గర్వించదగ్గ నేతల్లో ఒకరని కొనియాడారు. ఆయన మార్గం భావితరాలకు స్ఫూర్తిగా నిలుస్తుందని అన్నారు.
ఈ సందర్భంగా వారు మాట్లాడుతూ... అన్నదానం చేద్దాం... ట్రస్ట్ ద్వారా "ఆకలితో ఉన్నవారిని అతిథి సత్కారంతో ఆదరిద్దాం-అన్నదానంతో తృప్తి పరుద్దాం" అని ట్రస్ట్ వ్యవస్థాపకులు డాక్టర్ కాంపల్లి శంకర్-రాజేశ్వరి పిలుపునిచ్చారు. సేవే లక్ష్యం, సేవే మార్గంతో ట్రస్ట్ కొనసాగుతుందని, మానవ సేవే మాధవ సేవ అని త్రవిద్య, శ్రవిద్య, త్రయాక్షర్ గార్లు తెలిపారు. ఈ సేవా కార్యక్రమములో ట్రస్ట్ మేనేజర్ బొద్దున సతీష్, సభ్యులు ఈగురపు భాస్కర్, సేవకులు వేల్పుల రాజేందర్, కాడపాక మహేందర్ ఇమ్మడి రాజయ్య, ఉయ్యాల సమ్మయ్య, సల్లూరి ప్రతాప్, కాగితపు సత్యనారాయణ, ఎస్ డి షాహిన్,డాక్టర్లు, ఆసుపత్రి సిబ్బంది, మీడియా సిబ్బంది, దాతలు ,తదితరులు పాల్గొన్నారు. బాయిజమ్మసాయి సేవా ట్రస్ట్ ద్వారా అన్నదానం, సాయం అందించాలని అనుకునేవారు ట్రస్ట్ మేనేజర్ 8106550532, ఫౌండర్స్ 9959269975, 9949041595 సంప్రదించాలని కోరారు.