గత కొన్ని రోజుల నుండి వివేక్ కు చెందిన కంపనీల డబ్బును చెన్నూర్ నియోజక వర్గంలో ఓటర్లను కొనేందుకు తరలిస్తున్నారు అని ఆరోపణలు రాగా ఈ రోజు వివేక్ ఇంట్లో ఐటీ సోదాలు దాడులు నిర్వహిస్తోంది. ఈ సందర్భంలోనే వివేక్ కు చెందిన రూ.8 కోట్ల డబ్బును పోలీసులు ఫ్రీజ్ చేశారు. గతంలో రూ.50 లక్షలతో వివేక్ కంపెనీ ఉద్యోగులు పట్టుబడిన విషయం తెలిసిందే. వివేక్, వినోద్ ఇళ్లతో పాటు ఆయన కూతురు ఇంట్లోను ఐటీ సోదాలు కొనసాగుతున్నాయి. హైదరాబాద్, చెన్నూరులో ఏకకాలంలో ఐటీ అధికారులు సోదాలు చేస్తున్నారు. ఈ ఐటీ దాడులను వ్యతిరేకిస్తూ కాంగ్రెస్ పార్టీ నాయకులు, అనుచరులు వివేక్ ఇంటికి చేరుకొని కేంద్ర, రాష్ట్ర ప్రభుత్వాలకు వ్యతిరేకంగా పెద్ద ఎత్తున నినాదాలు చేస్తున్నారు.